Filippində qarət cəhdi faciə ilə bitdi: 34 ölü
Ötən gün Manilada hotel kompleksinə edilən hücumdan sonra hadisə yerində azı 34 cəsəd aşkarlanıb.
APA TV-nin məlumatına görə, adı açıqlanmayan cinayətkar gecə yarısı “Resorts World Manila” hotel kompleksinin kazinosuna girərək, əlindəki tüfənglə monitorlara atəş açıb.
Bundan sonra hoteldə böyük təlaş yaranıb. Oyun aparatlarını yandıran şəxs 2,3 milyon dəyərində pulu çantasına doldurub. Qumarxana hissəsindən hotel hissəsinə keçən cinayətkar çantasını ataraq otaqlardan birinə girib. Sonra yatağa uzanaraq, üstünü ədyalla örtüb və benzinlə özünü yandırıb.
Polis hücum edən şəxsin müştərilərə atəş açmadığını bildirib, olayın adi oğurluq hadisəsi olduğunu vurğulayıb. İnsanların əksəriyyəti yanğın nəticəsində əmələ gələn tüstüdən boğularaq ölüb.
İŞİD hücumun terror təşkilatına məxsus "Tənha Qurd" tərəfindən həyata keçirildiyini açıqlayıb. Manilanın polis rəisi isə hadisəni "ağlı başında olmayan şəxs tərəfindən törədilən adi bir soyğun" adlandırıb.
Elvin Bayramlı
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
