Xoşbəxt Yusifzadə: "2020-ci ildə BNEZ-də yeni standartlı benzin istehsal olunacaq"
"Ölkəmiz 24 ildən artıqdır ki, BP, "Statoil" və "Amoco" kmi beynəlxalq tərəfdaşlarla neft və qaz sahəsində irihəcmli ortaq layihələr həyata keçirir".
APA TV-nin məlumatına görə, bu fikirləri energetika naziri Natiq Əliyev "24-cü Beynəlxalq Xəzər Neft və Qaz" konfransında çıxışı zamanı bildirib.
Qaz İxracatçı Ölkələri Forumunun departament müdiri Mahdjouba Belaifa isə 2017-ci ildə Avropa İttifaqı ölkələrində mavi yanacağa tələbatın 3,5 faiz artdığını nəzərə çatdırıb.
SOCAR-ın I vitse-prezidenti Xoşbəxt Yusifzadə deyib ki, görülən tədbirlər nəticəsində son illərdə hasilat 43 milyon ton səviyyəsində stabilləşib:
"Qaz hasilatı son 10 il ərzində 4 dəfə artaraq, ildə 29 milyard kubmetr səviyyəsinə çatdırılıb. Onu da qeyd edim ki, indiyədək ölkəmizdə 1 milyard 971 milyon ton neft çıxarılıb. Bu il Azərbaycanda neft hasilatının 2 milyard tona çatacağı gözlənilir".
SOCAR-ın rəsmisi qeyd edib ki, kəşfiyyat işlərinin yekunlaşdığı "Ümid" yatağında 200 milyard kubmetr qaz, 40 milyon ton kondensat ehtiyatı mövcuddur. O, 2020-ci ildən sonra Heydər Əliyev adına Neft Emalı Zavodunda yeni standartlı benzinin istehsal olunacağını deyib:
"Mərhələlərlə davam etdiriləcək bu layihə çərçivəsində zavodda bitum qurğusu tikilib istifadəyə veriləcək. "Avro-5" standartına cavab verən dizel, sonra isə benzin istehsalı ilə əlaqədar tədbirlər görüləcək".
BP-nin regional prezidenti Qarri Cons, "Türk Petrolleri Anonim Ortaklığı" TPAO-nun vitse-prezidenti Mücahit Özdemir təmsil etdikləri şirkətlərlə Azərbaycan arasında əlaqələrin daha da inkişaf etdiyini deyiblər. önə çəkib.
Fərid Rəsulov
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
