Neft 52 dollar həddini keçə bilmir
Dünyanın aparıcı iqtisadiyyatlarında böyümə əlamətləri müşahidə olunsa da, bu amil neftin qiymətinə pozitiv təsir etməyib.
APA TV-nin xəbərinə görə, birjalar iqtisadi inkişaf indekslərinə deyil, OPEK sövdələşməsinə və ABŞ-ın strateji neft ehtiyatlarını satışa çıxarmaq niyyətinə köklənib. Bu səbəbdən neftin qiyməti 51-52 dollar aralığında tərəddüd edir.
Birjaların səhər seanslarında “Brent” markalı neftin minimal qiyməti 51,71 dollar olub, sonrakı ticarət seanslarında neft cəmi 18 sent dəyər qazana bilib. Qərbi Texas neftinin qiyməti də 49,13 dollar səviyyəsinə endikdən sonra 16 sent bahalaşıb.
ABŞ Energetika Nazirliyi bu gün ölkənin kommersiya neft ehtiyatlarının həcminə dair hesabatı açıqlayacaq. Proqnozlara görə, ehtiyatların həcmi 4,4 milyon barel azalmalıdır. Ehtimallar təsdiqlənsə, bu amil neftin qiymətinə pozitiv təsir göstərə bilər.
Elvin Bayramlı
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
