Neft ehtiyatları sürətlə azalacaq
Dünya bazarında xam neftin qiyməti stabilləşməkdədir.
APA TV-nin məlumatına görə, OPEK və qeyri-kartel ölkələrinin Vyana görüşündən sonra neft bazarında yaranan ümidsizliyin ardından Səudiyyə Ərəbistanının enerji naziri Xalid əl-Falih strategiyanın işlədiyini bildirib. Nazirin açıqlamasında beynəlxalq ehtiyatların daha sürətlə azalacağı qeyd olunur.
ABŞ-da isə işlək qaya neft quyularının sayında 2 ədəd artım olub. Bu, cari ilin ən zəif artımı hesab olunur və bu ölkədə istehsalın sürətinin azalmasını göstərir.
Hazırda birjalarda Brent nefti 52,44 dollardan təklif olunur. Qiymət artımı WTİ neftində hiss olunur. Qərbi Texas nefti 49,71 dollardan satılır.
Neft mütəxəssisləri də növbəti mərhələdə istehsalda daralma olacağını, böyük ehtimalla qiymətlərin artacağını bildirir.
Ancaq ABŞ-ın hasilatı artıracağı da gözlənilir. Bununla belə, bu ölkədə ard-arda 7 həftədir ehtiyatlar azalır. Bu ölkədə istehsal hələ də 2015-ci ildən iki dəfə çoxdur.
Elvin Bayramlı
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
