Merkel: "Başqalarına güvəndiyimiz dövrlər keçmişdə qaldı"
Avropalılar artıq başqalarına etibar edə bilməz və öz talelərini özləri həll etməli olacaq.
APA TV-nin "Reuters"ə istinadən verdiyi xəbərə görə, bu sözləri Almaniyanın baş naziri Angela Merkel İtaliyanın ev sahibliyi etdiyi G7 sammitindən qayıtdıqdan sonra jurnalistlərə açıqlamasında deyib.
"Başqalarına güvəndiyimiz o dövrlər artıq keçmişdə qaldı. Mən bunu son gündlərdə anladım. Biz avropalılar öz müqəddəratımızı öz əllərimizə almalı, özümüz müəyyən etməliyik", - Merkel belə deyib.
Yerli KİV-in yazdığına görə, Merkelin bu açıqlaması daha çox ABŞ-ın yeni administrasiyasına və Böyük Britaniyaya aid edilib. Bu dövlətlərin hər ikisi ilə dostluq münasibətlərinin saxlanılacağını deyən Merkel, Avropanın gələcəyi üçün mübarizənin təklikdə aparılacağını vurğulayıb.
Bununla yanaşı Angela Merkel Fransanın yeni prezidenti Emmanuel Makronla münasibətlərin ürəkaçan səviyyədə olduğuna da toxunub.
Apa.tv
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
