Rəsmi Pxenyan: Raket sınaqları müdafiə xarakterlidir
Şimali Koreya rəsmiləri son dövrlərdə həyata keçirilmiş raket sınaqlarının ölkənin müdafiə edilməsi hüququ baxımından qanuni olduğunu açıqlayıb.
APA TV-nin "Euronews"a istinadən verdiyi xəbərə görə, Cenevrədə Tərksilah məsələləri üzrə Birləşmiş Millətlər Konfransında çıxış edən şimali-koreyalı nümayəndə heyəti Pxenyan hökumətinin apardığı sınaqların heç bir beynəlxalq qanuna zidd olmadığını, bölgədəki həyəcanın yalnız ABŞ tərəfindən yaradıldığını bildirib.
Digər tərəfdən ABŞ-la yanaşı, qonşu ölkə Cənubi Koreya və Çin də Şimali Koreyanın raket sınaqlarından çox narahatdır. Çin hökuməti rəsmi Pxenyanı BMT Təhlükəsizlik Şurasının müvafiq qərarına riayət etməyə çağırıb.
Amerika kəşfiyyatının açıqlamasına görə, Şimali Koreya gələcəkdə Sakit Okean vaxitəsilə ABŞ-a çatan nüvə başlıqlı raket hazırlaya biləcək.
Apa.tv
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
