Ruslan Lunyov 5-ci qızıl medalı qazandı
Bakıda keçirilən IV İslam Həmrəyliyi Oyunları çərçivəsində Azərbaycan idmançıları daha dörd medal qazanıblar.
APA TV-nin xəbərinə görə, medallardan üçü atıcılarımızın payına düşüb. 10 metr məsafəyə pnevmatik tapança ilə atəş üzrə qarışıq komanda yarışında Ruslan Lunyov - Nigar Nəsirova tandemi qızıl medal qazanıb. Bu, Ruslan Lunyovun IV İslam Həmrəyliyi Oyunlarında qazandığı 5-ci qızıl medaldır.
Nigar Nəsirova isə bugünkü nəticə ilə medalların sayını 2-yə çatdırıb. “Qızıl snayperimiz” dünən 10 metr məsafədən pnevmatik tapança ilə atəş açmaqda bürünc medal qazanmışdı.
Azərbaycan atıcıları qarışıq komanda halında dairəvi stend atıcılığı yarışında da fərqləniblər. 24 xal toplayan Emin Cəfərov - Nurlana Cəfərova cütlüyü finalda Bəhreyn snayperlərinə məğlub olaraq gümüş medal qazanıblar.
Günün dördüncü medalı isə atletimiz Rahib Məmmədovdan gəlib. İdmançımız 110 metr məsafəyə sədlərlə qaçışda gümüş mükafatın sahibi olub.
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
