8 maddə ilə axtarışda olan şəxs: "Kameraya deyəcək sözüm yoxdur"
Cəlilabad Rayon Polis Şöbəsi əməkdaşlarının keçirdiyi əməliyyat zamanı axtarışda olan rayon sakini həbs edilib.
Şöbənin İstintaq bölməsinin rəisi Eldar Məmmədov APA TV-nin cənub bürosuna bildirib ki, saxlanılan şəxs Cinayət Məcəlləsinin 8 maddəsi üzrə axtarışda olan 40 yaşlı Xəqani Əhmədlidir: "Əvvəllər Cinayət Məcəlləsinin müxtəlif maddələrində nəzərdə tutulan cinayət əməllərinə görə məhkum olunmuş Cəlilabad şəhər sakini Əhmədli Xəqani Nizami oğlu tutulmuşdur. Hazırda onun barəsində DİN Baş Mütəşəkkil Cinayətkarlıqla Mübarizə İdarəsində Cinayət Məcəlləsinin quldurluq, soyğunçuluq, hədə-qorxu ilə tələb etmə maddələri ilə cinayət işi açılıb".
Məlum olub ki, Xəqani Əhmədli müxtəlif vaxtlarda həmyerliləri Zamiq Rzayev və digər şəxslərlə qabaqcadan əlbir olaraq rayon sakini Xəyal Həsənova hədə-qorxu gələrək onun 3500 manat pulunu mənimsəyib. Qrup üzvləri Yardımlı rayon sakinindən də zorakılıq yolu ilə 5300 manat pul əldə edib.
Saxlanılan şəxs kameraya danışmaq istəməyib: "Kameranı yığışdırın burdan, mənim kameraya deyəcək sözüm yoxdur, a kişi, eşitdin nə dedim?"
Faktla bağlı araşdırmalar davam etdirilir.
Ayşən Əhməd
OXŞAR XƏBƏRLƏR
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
Bir sıra rayona yeni icra hakimiyyəti başçıları təyin edildi
