Moskvada geylərin petisiya tələbi: POLİSLƏ QARŞIDURMA
Moskvada Baş Prokurorluğa petisiya vermək istəyən LGBT fəallarından 5 nəfəri həbs olunub.
APA TV-nin "Euronews"a istinadən məlumatına görə, onlar Çeçenistanda homoseksual hüquqlarının pozulmasına qarşı iki milyon imza toplayan petisiya vərəqələrini quruma təqdim etmək istəyib.
Moskva polisi isə aksiyanın icazəsiz olduğunu əsas gətirərək, aralarında bir italiya vətəndaşının da olduğu etirazçıları həbs edib.
Qeyd edək ki, aksiya zamanı saxlanılanların bir qismi sonradan azadlığa buraxılıb.
Xatırladaq ki, Rusiya mətbuatı aprel ayında Çeçenistanda cinsi azlıqların hüquqlarının kobud şəkildə pozulduğu və onların saxlanılaraq işgəncələrə məruz qaldığı barədə xəbərlər tirajlayıb.
Ramzan Kadırov Rusiya prezidenti Vladimir Putinin qəbulunda yazılanları təkzib edib. Almaniya kansleri isə Kreml rəhbəri ilə Soçi görüşündə məsələni diqqətdə saxlamağı ondan xahiş edib.
"France24" isə Çeçenistanda saxlanılan cinsi azlıq nümayəndələrindən biri ilə reportaj edib və yayılan xəbərlərin doğru olduğu ortaya çıxıb.
Elvin Bayramlı
OXŞAR XƏBƏRLƏR
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
Ceyhun Bayramovdan Ermənistanla sülh prosesi ilə bağlı MÜHÜM AÇIQLAMA
