Peterburqda erməni təxribatı zamanı tutulan azərbaycanlılar azadlığa çıxdı
Sankt-Peterburq şəhərində 9 may Qələbə günü münasibəti ilə keçirilən "Ölməz alay" (Bessmertnıy polk) yürüşündəki insident zamanı saxlanılan azərbaycanlılar sərbəst buraxılıb. Bunu APA-nın Rusiya bürosuna Azərbaycanın Sankt-Peterburqdakı baş konsulu Sultan Qasımov deyib.
Onun sözlərinə görə, yürüş zamanı ermənilər təxribata əl atıb: "Onlar qondarma rejimin bayrağını əllərində tutaraq şüarlar səsləndiriblər. Bunu azərbaycanlı gənclər görüblər. Onlar yürüşün mühafizəsini təşkil edən Xüsusi Təyinatlı Polis Dəstəsinə və polisə qondarma "DQR"in bayrağının yığışdırılması üçün müraciət ediblər. Lakin buna məhəl qoyulmayıb. Bundan sonra azərbaycanlı gənclər ermənilərin əlindən həmin bayraqları alıblar. Bu zaman onların arasında dava düşüb. Hadisəyə dərhal polis müdaxilə edib. 10 nəfər həmyerlimiz polis bölmələrinə aparılıb".
S. Qasımov konsulluq əməkdaşlarının dünən məsələ ilə məşğul olduqlarını və müdaxilədən sonra polis bölmələrinə aparılan gənclərin sərbəst buraxıldığını deyib.
Qeyd edək ki, oxşar hadisə mayın 9-da Moskvada da baş verib. "Ölməz alay" adlı aksiya zamanı erməni diasporunun nümayəndələri əllərində qondarma separatçı rejimin bayraqlarını tutaraq "Artsax" deyə qışqırıblar. “Belarusskaya” metrostansiyasının yanında ermənilərlə Azərbaycan diasporunun gənc fəalları arasında mübahisə yaranıb. Azərbaycanlı gənc diaspor fəalları ermənilərdən qondarma rejimin bayrağının yığışdırılmasını tələb ediblər. Bu zaman ermənilər azərbaycanlılara hücum edib. Nəticədə azərbaycanlı iştirakçılardan bəziləri xəsarət alıb.
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
