Borc almağa getdiyi qonşusu evdə olmadı, maşınından oğurluq etdi
Bakıda daha bir oğurluq faktının üstü açılıb.
DİN mətbuat xidmətindən APA TV-yə verilən məlumata görə, Ötən ay Sabunçu rayonu ərazisində yaşayan Teymur Kərimova məxsus “Opel” markalı avtomobilin qabaq sağ şüşəsi naməlum şəraitdə sındırılaraq, oradan bir ədəd bank kartı oğurlanıb: "Bura qoymuşdum kartlarımı. Gəldim gördüm dağılıb yerə, kartlarım yoxdur. 102 xidmətinə zəng elədim. Dərhal tədbir gördülər".
Baş vermiş hadisə barədə zərərçəkənin Sabunçu Rayon Polis İdarəsi 12-ci Polis Bölməsinə şikayət ərizəsi daxil olan kimi dərhal hadisəni törədən şəxsin axtarışlarına başlanılıb. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən zərərçəkənin qonşusu, Qazax rayon sakini Vüsal Rəsulov saxlanılıb. O, törətdiyi cinayəti etiraf edib: "Qalxdım yuxarı qonşumdan pul alım borca. Gördüm yoxdur, maşını isə aşağıdadır. Sındırdım şüşəsini, kartı götürdüm. Sabunçuda saldım bankomata, gördüm heç nə yoxdur".
Faktla bağlı cinayət işi başlanılıb, araşdırmalar davam etdirilir.
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
