Xaçmazda qazıntı zamanı insan skeletləri tapıldı
Xaçmaz rayonunun Müqtədir qəsəbəsində qazıntı zamanı insan skeletləri aşkarlanıb.
APA TV-nin yerli bürosunun məlumata görə, əraziyə hüquq-mühafizə orqanlarının əməkdaşları cəlb olunub.
Kənd sakinlərinin qazıntı zamanı aşkarladıqları insan skeletlərindən nümunələr götürülərək müayinəyə göndərilib. Ərazidə başqa insan sümüklərinin olub-olmadığını müəyyənləşdirmək üçün qazıntı işlərinin aparılması planlaşdırılır.
Bələdiyyə sədri Cəfər Əzimov bildirib ki, ərazinin qəbiristanlıq olduğu ehtimal edilir: "Hüquq-mühafizə orqanlarına məlumat verdik. Rayon prokuroru, polisdən gəlib baxış keçirdilər, sümükləri apardılar. Ekspertizadan sonra müəyyən olunacaq ki, bura qəbiristanlıq olub, yoxsa başqa məsələ var. Mən 55 ildir ki, bu ərazidə yaşayıram. Əvvəl burda insanlar yaşayıb, ərazidə qəbiristanlıq olub. Çox güman ki, qəbiristanlıq olub əvvəllər".
Vəli Turan
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
