Çeçenistanda "gey problemi" ilə bağlı yeni iddia: "Övladlarınızı öldürün, yoxsa..."
Çeçenistanda cinsi azlıqlarla bağlı yeni qalmaqallı iddialar irəli sürülüb.
APA TV-nin Türkiyə mətbuatına istinadən məlumatına görə, onların hüquqlarını müdafiə edən fəal Natalya Poplevskaya bu qəbildən olan insanların həbs olunduğunu və Qroznı yaxınlığında Arqun qəsəbəsindəki düşərgədə işgəncəyə məruz qaldıqlarını bildirib.
Poplevskayanın yeni iddiasına görə, çeçen rəsmilər həmin kateqoriyadan olan şəxslərin ailələrindən övladlarını öldürmələrini tələb edib, əks təqdirdə, bunu özlərinin edəcəyini deyiblər.
Xatırladaq ki, "France24" kanalı bu yaxınlarda həmin şəxslərdən biri ilə müsahibəsində adının açıqlanmasını istəməyən cinsi azlıq nümayəndəsi də tələbin irəli sürüldüyünü təsdiq edib.
Həmin şəxs əlavə edib ki, təzyiq altında qalan ailələrdən biri artıq öz övladını öldürüb və dəfn mərasimi belə təşkil etməyib.
Qeyd edək ki, 3 gün əvvəl Almaniya kansleri Angela Merkellə Rusiya prezidenti Vladimir Putin arasında sözügedən problem müzakirə edilib. Bundan bir müddət öncə isə Putin Kremldə Ramzan Kadırovu qəbul edib. Çeçenistan lideri belə bir problemin olmadığını bildirib.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
