Oğuzda evdə partlayış baş verdi: 3 yaralı
Oğuzda fərdi yaşayış evində qaz sızmasından partlayış olub, bir ailənin üç üzvü xəsarət alıb. APA TV-nin məlumatına görə, rayonun Calut kəndində Mərdan Həsənova məxsus fərdi yaşayış evində təbii qazın sızması səbəbindən yanğınla müşaiyət olunan ani partlayış baş verib. Nəticədə evin pəncərə şüşələri sınıb, 12 kv.m-lik sahə içərisindəki əşyalarla birlikdə yanıb. Hadisə zamanı yanıq xəsarəti Mərdan Həsənov, arvadı 56 yaşlı Leyla və 37 yaşlı oğlu Elnur Oğuz Rayon Mərkəzi Xəstəxanasına (RMX) aparılıblar.
Oğuz RMX-dan APA TV-yə bildirilib ki, Mərdan Həsənovun xəsarəti yüngül olduğundan ona ilkin yardım edildikdən sonra evə buraxılıb. Leyla və Elnur Həsənovlara bədənlərinin 3-cü dərəcəli yanıq xəsarətləri diaqnozu qoyulub. Ana və oğluna xəstəxanada lazımı tibbi yardım göstərildikdən sonra vəziyyətlərini nəzərə alaraq, müayinə və müalicələrini davam etdirmək üçün Bakıdakı xəstəxanalardan birinə göndəriliblər. Faktla bağlı araşdırma aparılır.
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
