Sabir bağında 3 gün konsert olacaq
Bakıda keçirilən IV Ümumdünya Mədəniyyətlərarası Dialoq Forumu çərçivəsində Bakıda xüsusi mədəni proqram təşkil ediləcək.
APA TV-nin məlumatına görə, Milli Turizm Təbliğat Bürosunun təşkilatçılığı ilə həyata keçiriləcək tədbirlərdə turistlər və paytaxt sakinlərini rəngarəng çıxışlar gözləyir: “Sabir bağında biz milli adət-ənənələrimizi nümayiş etdiririk. Burada el sənətçiləri olacaq, əl işləri nümayiş olunacaq. Milli mətbəximiz də olacaq. Axşam saat 20.00-da məşhur “Radio&Video” rok qrupunun konserti keçiriləcək, mayın 5-i axşam saat 18.00-da etno-konsert başlayacaq. Eyni zamanda məşhurların çıxışları gözlənilir. Konsertdə regionlardan gələn etno-qruplar çıxış edəcək. Saat 21.00-dan isə caz və blyuz sədaları altında romantik axşam təşkil ediləcək. Proqrama Alov Şousu da daxildir”.
Mayın 6-da 20.00-da “Dərvişbend” qrupunun solisti Nara Vayt öz proqramını təqdim edəcək. Rəsmilərin də dəvət olunduğu mədəni tədbirlərə paytaxt sakinləri və turistlərin girişi sərbəstdir.
Nigar Həsənli
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
