İstanbulda 1 may aksiyaları dağıdıldı, saxlanılanlar var
Türkiyədə 1 May - Beynəlxalq Zəhmətkeşlər günü münasibəti ilə aksiya keçirməyə çalışan xeyli insan saxlanılıb.
APA TV-nin Türkiyə mətbuatına istinadən məlumatına görə, polis tərəfindən təhlükəsizlik tədbirləri görülən İstanbul şəhərinin Taksim meydanında iki qrup aksiya keçirməyə çalışıb. Etirazlar üçün meydana gələn birinci qrupdan 16 nəfər polis tərəfindən saxlanılıb.
Polis şəhərin Beşiktaş səmtindən Taksimə gəlmək istəyən daha böyük qrupdan isə 10 nəfəri saxlayıb.
Zincirlikquyu metro stansiyası çıxışında etiraz üçün toplanan qrupu polis dağıdıb. Aksiya iştirakçılarının saxlanması davam edir.
Etirazçılar “Yaşasın 1 May”, “Meydanlar xalqa bağlana bilməz”, “Taksim qadağasına yox, yaşasın 1 May!” yazılı plakatlar qaldırıb.
Qeyd edək ki, Türkiyədə ötən ilin iyulundan davam edən fövqəladə vəziyyətlə bağlı küçə yürüşləri qadağan olunub.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
