Şimali Koreya elə hədələdi ki... ABŞ-IN HƏRBİ TƏLİMLƏRİ SONA ÇATDI
Rəsmi Pxenyandan Sarı dənizdə ABŞ hərb kontingentinin davam edən təlimləri ilə əlaqədar növbəti açıqlama verilib. APA TV-nin mətbuatına istinadən məlumatına görə, açıqlamada ABŞ hərbi donanmasında yer alan "Michigan" atom sualtı gəmisinin Pusan sahillərinə yaxınlaşmasına münasibət bildirilir: "Əgər hər hansı təxribata yol verilərsə, həmin gəmi bir də suyun üzünə çıxa bilməyəcək", - deyə bəyanatda vurğulanır.
Şimali Koreyanın hədələri bununla bitməyib: "Ümumiyyətlə, ABŞ-ın bölgədə yaratdığı vəziyyət onun özünə baha başa gələ bilər. Biz oradakı Amerikan hərbi kontingentini metal yığınına döndərərik. Bunun üçün bircə zərbəmiz yetər. Onları acınacaqlı tale gözləyir".
Xatırladaq ki, aprelin 29-da bölgə sularında genişmiqyaslı ABŞ-Cənubi Koreya "Key Resolve" - birgə hərbi təlimləri başa çatıb.
Buna baxmayaraq ABŞ hərbi kontingenti bölgəni tərk etmir. "Carl Winson" aviadaşıyıcısının liderliyindəki zərbə qrupunun bir müddət də bölgədə qalacağı bildirilib. "Michigan" atom sualtı gəmisi isə Koreya sahillərinin yaxınlığındadır.
Nəsimi Nəbizadə
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
