Avropa İttifaqı Türkiyədəki referendumun nəticələrini tanıyır
Avropa İttifaqı Türkiyədə keçirilmiş referendumun nəticələrini tanıyır və bu ölkədəki sabitliyə tərəfdardır. APA TV-nin məlumatına görə, bunu Avropa İttifaqının diplomatiya rəhbəri Federika Moqerini İttifaqa üzv və üzvlüyə namizəd ölkələrin xarici işlər nazirlərinin qeyri-formal görüşündə Türkiyə ilə bağlı müzakirələrdən sonra bildirib.
Federika Moqerini deyib ki, Avropa İttifaqı Konstitusiyasında dəyişiklik edən Türkiyə də daxil olmaqla bütün ölkələrin idarəetmə sistemini müəyyənləşdirmək hüququnu tanıyır və hörmət edir.
Bununla belə, Avropa İttifaqı rəsmisi əlavə edib ki, qurum Konstitusiyaya dəyişikliklər qüvvəyə minərkən Venesiya komissiyasının və ATƏT-in Demokratik Təsisatlar və İnsan Hüquqları Bürosunun referendumun müşahidəsi ilə bağlı yekun hesabatından sonrakı tövsiyələrini nəzərə alınacağına ümid edir.
“Avropa İttifaqı sabit, təhlükəsiz, iqtisadi cəhətdən uğurlu və demokratik Türkiyədə maraqlıdır. Bu ölkə vacib tərəfdaş və bir sıra məsələlərdə aparıcı oyunçudur. Biz Türkiyəyə və ya türk xalqına zərər verə biləcək nə isə etmək niyyətində deyilik”, - Moqerini bildirib.
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
