Bu kəndə on gündür su verilmir - PROBLEM
Ucarın Lək kəndində içməli su problemi yaranıb.
APA TV-nin yerli bürosunun xəbərinə görə, 4 min nəfər sakini olan rayonun Lək kəndinə yeganə kanal vasitəsilə ötürülən suyun verilişi heç bir xəbərdarlıq olmadan artıq 10 gündür dayandırılıb. Bu isə son 20 ildə ilk dəfədir belə bir problemlə üzləşən sakinlərin narazılığına səbəb olub.
Onlar kənddə içməli suyun olmaması səbəbindən suvarma suyundan həm də içməli su kimi istifadə edirlər. Susuzluqdan əziyyət çəkən təsərrüfat sahibləri özləri ilə bərabər mal-qaralarını və yeni əkilmiş kənd təsərrüfatı məhsullarının suya olan tələbatını ödəmək məqsədilə gölməçələrdə yığılıb qalmış çirkli sudan istifadə etmək məcburiyyətində qalıblar.
Aidiyyəti qurumlar problem yaşayan sakinlərə alternativ yolla suyun veriləcəyini desələr də, hələ ki, heç bir tədbir görülməyib. Lək kənd Sudan İstifadə Edənlər Birliyinin Sədri Yusif Müslümov suyun müvəqqəti olaraq dayandırılmasını ərazidə aparılan kəmər çəkilişi ilə əlaqələndirir. Onun sözlərinə görə, problemlə bağlı dəfələrlə Ucar Suvarma Sistemləri İdarəsinin müdiri Əlikram Mahmudova, rayon icra hakimiyyətinin məsul şəxslərinə müraciət etsələr də, hər dəfə də sabah suyun veriləcəyi barədə vəd eşidirlər.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
