Türkiyə bir gündə 5 şəhid verdi
Türkiyə baş verən üç terror aktı nəticəsində 5 hərbçi şəhid olub, beşi yaralanıb.
APA TV-nin məlumatına görə, Şırnak vilayətinin Uludərə qəsəbəsində axtarış aparan hərbçilər düzəngah ərazidən keçərkən əldəqayırma bomba partladılıb.
PKK terrorçularının törətdiyi partlayış nəticəsində iki hərbçi yaralanıb. Şırnak Dövlət Xəstəxanasına çatdırılan yaralıları xilas etmək mümkün olmayıb.
Qars vilayətinin Kağızman qəsəbəsində də partlayış baş verib. PKK terrorçularının əvvəldən yerləşdirdiyi minanın partladılması nəticəsində ərazidə axtarış aparan iki hərbçi şəhid olub, biri yaralanıb.
Bitlis vilayətində də partlayış baş verib. Sehi meşələri bölgəsində hələlik bəlli olmayan səbəbdən baş verən partlayış nəticəsində bir hərbçi şəhid olub, iki hərbçi isə yaralanıb.
Hər iki bölgədə təhlükəsizlik qüvvələri əməliyyatlara başlayıb.
Qeyd edək ki, Türkiyədə son günlər PKK terror təşkilatına qarşı iri miqyaslı anti-terror əməliyyatları keçirilir. Əməliyyatlar zamanı onlarla terrorçu məhv edilib.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
