Xaçmazda “QAZ-24” kanala düşüb, sürücü tapılmayıb
Xaçmazda “QAZ-24” markalı minik maşını kanala düşüb. Hadisə “Xan arxı”nın Ağaşirinoba kəndi yaxınlığından keçən hissəsində baş verib. Maşını ərazidən keçən sakinlər görüblər. Hadisə barəsində hüquq mühafizə orqanlarına və Fövqəladə Hallar Nazirliyinin 112 xidmətinə məlumat verilib.
Hadisə yerinə Fövqəladə Hallar Nazirliyinin regional bölməsinin xilasediciləri, Təcili Yardım Stansiyasının həkimləri və polis əməkdaşları cəlb olunub.
Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə avtomobili kanaldan çıxarıblar. Maşın aidiyyəti üzrə dövlət orqanına təhvil verilib. Maşına baxış zamanı avtomobilin Naxçıvan Muxtar Respublikasının Babək rayonu, Nehrəm kənd sakini 42 yaşlı Əhməd Abuzərova məxsus olduğu məlum olub. Avtomobildə insan aşkarlanmayıb. Hadisənin təfərrüatları araşdırılır.
Vəli Turan
OXŞAR XƏBƏRLƏR
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
"Azərbaycanın yaratdığı əməkdaşlıq irsinə əsaslanan model formalaşdıracağıq"
Bakıda leysan, dağlarda qar gözlənilir - HAVA PROQNOZU
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
