Qazaxda dəhşətli qəza: ana öldü, övladı və qaynanası yaralandı
Qazaxda ölümlə nəticələnən yol qəzası baş verib. APA TV-nin qərb bürosunun məlumatına görə, hadisə Qazax şəhərində qeydə alınıb.
Yüksək sürətlə hərəkətdə olan “Mitsibushi” markalı avtomobil yolun kənarında dayanan “Opel”ə çırpılıb. Qəza zamanı "Opel"də olan 25 yaşlı Səadət İsmayılova dünyasını dəyişib. Onun qayınanası, 63 yaşlı Rəna Xasməmmədova və 1 yaşlıq övladı İsmayılov Fuad Elmir oğlu xəsarət alaraq Qazax Müalicə Diaqnostika Mərkəzinə yerləşdirilib. Vəziyyətlərinin orta ağır olduğu bildirilir.
Məlumata görə, içərisində bir ailə olan “Opel” markalı avtomobilin sürücüsü Fuad İsmayılov maşını saxlayaraq bir övladı ilə mağazaya girib. Sürətlə hərəkət edən “Mitsubishi” markalı avtomobil "Opel"ə çırpılaraq qəza törədib.
Hadisə yerinə FHN-in Dövlət Yanğından Mühafizə Xidmətinin yanğınsöndürən-xilasediciləri cəlb olunub. Faktla bağlı Qazax Rayon Polis Şöbəsində araşdırma aparılır.
Azər Məmmədli
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
