Xaçmazda yaşayış evlərindən oğurluq edənlər tutuldu
Xaçmaz rayonunda yaşayış evlərindən oğurluq edən şəxslər yaxalanıb.
APA TV-nin şimal bürosunun verdiyi məlumata görə, Xaçmaz Rayon Polis Şöbəsi (RPŞ) əməkdaşlarının keçirdiyi əməliyyat-axtarış tədbirləri nəticəsində Xaçmaz rayon sakinləri - 1993-cü il təvəllüdlü Xanməhəmmədov Taleh Ömər oğlu və 1999-cu il təvəllüdlü Quliyev Aqşin Azər oğlu saxlanılıb.
Aparılan əməliyyat-axtarış tədbirləri nəticəsində onların Xaçmaz rayonunun Nabran kəndində Kamilov Eynulla Camal oğluna məxsus evdən 100 manat dəyərində bir ədəd “Tefal” markalı ütü, iki ədəd çaxır və bir ədəd şampan içkisini oğurladığı aşkar edilib.
Bundan başqa, bu iki şəxsin qabaqcadan əlbir olaraq Nabranda Cəfərov Orxan Tahir oğluna məxsus evdən hər biri 70 manat olmaqla 6 ədəd elektrik qızdırıcısını və 50 manat qiyməti olan peyk antenasına aid bir ədəd “Openbox” markalı aparatı oğurlamaqla vətəndaşa ümumilikdə 470 manat dəyərində ziyan vurduğu müəyyənləşib.
Müstəntiq Elxan Allahverdiyev bildirib ki, saxlanılarkən oğurladıqları əmlak götürülərək maddi sübut kimi tanınıb.
Faktla bağlı cinayət işi açılıb, araşdırmalar davam etdirilir.
Vəli Turan
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
