Ərdoğandan Avropa qurumları ilə bağlı sərt sözlər: “Həddinizi bilin!”
Türkiyədə Avropa İttifaqına üzvlüyə dair danışıqlardan çıxmaq barədə referendum keçirilə bilər. Bunu Ankarada çıxışı zamanı Türkiyə prezidenti Rəcəb Tayyib Ərdoğan bəyan edib:
“54 ildir ki bizi Avropa İttifaqının qapıları arxasında gözlədirlər. Amma indi biz oturub danışacağıq və lazım gəlsə bu məsələ ilə bağlı ümumxalq səsvermə keçirəcəyik. Avropa İttifaqının təsisçilərindən biri olan Böyük Britaniya qurumu tərk edir. Norveç də Avropa İttifaqının kənarındadır. Biz xalqın rəyini öyrənəcəyik. Xalq nə desə, o da olacaq”.
Onun sözlərinə görə, Avropa İttifaqı vədlərinə əməl etmədiyi təqdirdə fəsadlarla üz-üzə qalacaq:
“Terrorçu təşkilatları dəstəkləmək olmaz, Türkiyə heç bir zaman öz sərhədləri daxilində hər hansı terrorçu qurumun yaradılmasına imkan verməyəcək”.
Rəcəb Tayyib Ərdoğan Türkiyədə keçirilən referenduma mənfi rəy verən ATƏT haqqında da kəskin ifadələr işlədib:
“ATƏT adlı bir təşkilat var. Bunlar özləri üşün hesabat hazırlayırlar. Həddinizi bilin. Sizin hazırladığınız siyasi məzmunlu hesabatları biz nə görürük, nə eşidirik, nə də bilirik. Biz yolumuza davam edirik. Bu ölkə Qərbin heç bir ölkəsində görünməmiş ən demokratik səsvermə keçirib”.
Rəcəb Tayyib Ərdoğan onu da deyib ki, edam hökmünün bərpası haqqında qanun parlamentdən keçsə, prezident kimi qanunu təsdiqləyəcək.
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
