Qaxda keçmiş polis qonşusunu güllələdi: AĞAC ƏKDİYİNƏ GÖRƏ
Qaxda keçmiş polis işçisi qonşusunu odlu silahla qətlə yetirib. APA TV-nin məlumatına görə, hadisə Qax şəhəri Aydın Məmmədov küçəsində qeydə alınıb.
Hadisənin baş verdiyi küçədə qonşuluqda yaşayan, 1949-cu il təvəllüdlü Nəbi Hacıislam oğlu Hacıyev ilə 1959-cu il təvəllüdlü Aydın Musa oğlu Musayev arasında mübahisə baş verib. Mübahisə zamanı Nəbi Hacıyev ov tüfəngi ilə qonşusu Aydını güllələyib. Ağır güllə yarası alan Aydın Musayev Qax Mərkəzi Rayon Xəstəxanasına çatdırıldıqdan 3-5 dəqiqə sonra keçinib.
Hüquq-mühafizə orqanlarından APA TV-yə verilən məlumata görə, hadisə qətlə yetirilən Aydın Musayevin yaşadığı evin qarşısında qeydə alınıb. Hadisəni törətməkdə şübhəli sayılan Nəbi Hacıyev saxlanılıb. İlkin araşdırma zamanı məlum olub ki, hadisə ağac əkmək üstündə baş verib. Aydın Musayev kiçik ərazidə ağac əkərkən Nəbi Hacıyev həmin ərazinin ona aid olduğunu bildirib. Nəticədə mübahisə baş verib. Nəbi Hacıyev Aydın Musayevi təklülə tüfənglə qətlə yetirib.
Hadisəni törədən Nəbi Hacıyev təqaüddə olan keçmiş polis işçisidir.
Faktla bağlı Qax rayon Prokurorluğunda CM-nin müvafiq maddəsi ilə cinayət işi başlayıb, araşdırma aparılır.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
