Fermer ziyana düşdü: 2350 ev quşu yemdən zəhərlənib öldü
Kürdəmir sakininin fərdi təsərrüfatındakı yüzlərlə cücə tələf olub. APA TV-nin yerli bürosunun məlumatına görə, rayonun Sığırlı kənd sakini, Mahir Həsənova məxsus fərdi təsərrüfatındakı 2 aylıq 2350 ev quşu 2 gün ərzində tələf olub.
30 ildir bu işlə məşğul olan M. Həsənov belə bir hadisənin onun başına ilk dəfə gəldiyini deyir. Zərərçəkən iddia edir ki, müalicə məqsədi ilə baytarlıq aptekindən aldığı dərmanı yemə qatıb cücələrə verdikdən bir necə saat sonra ev quşları kütləvi şəkildə tələf olub.
Hadisə ilə əlaqədar əraziyə cəlb olunan rayon baytarlıq xidmətinin rəisi Mehman Nəsirov cücələrin tələf olmasının dəqiq səbəbinin hələlik məlum olmadığını bildirir. O, bir neçə quşdan analiz məqsədi ilə nümunələrin götürülərək respublika baytarlıq laboratoriyasına göndərildiyini deyir. Cücələrin kütləvi şəkildə tələf olmasının dəqiq səbəbi yekun rəydən sonra məlum olacaq.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
