ABŞ Koreya sahillərinə atom aviadaşıyıcısı göndərdi - YENİ MÜHARİBƏ EHTİMALI
ABŞ "Karl Vinson" atom aviadaşıyıcısı başda olmaqla, bir qrup döyüş gəmisini Cənubi Koreya sahillərinə göndərib.
APA TV-nin Rusiya mətbuatına istinadən məlumatına görə, sözü gedən döyüş gəmiləri Sinqapurdan Avstraliyaya hərəkət etməli idi. Lakin, son anda qərar dəyişdirilərək, onlar Koreya yarımadasına istiqamətləndirilib.
Döyüş gəmiləri qrupuna daha iki hərbi təyinatlı gəmi, eləcə də idarəolunan raketlərlə təchiz olunmuş kreyser daxildir.
Bu arada, Cənubi Koreya Müdafiə Nazirliyinin rəsmisi Mun San Gyun məsələ ilə bağlı ölkəsinin mövqeyini açıqlayıb. O, bu faktın Vaşinqtonun Koreya yarımadasındakı vəziyyətə ciddi yanaşması ilə əlaqələndirib. O, bu addımın Şimali Koreyanın növbəti raket sınağına qarşı müdafiə xarakteri daşıdığını qeyd edib.
Bu ilin aprelində Koreya yarımadasında müharibə başlanacağı ehtimalına münasibət bildirərkən, Cənubi Koreyanın şimal qonşusunun mümkün provokasiyasına dərhal cavab verməyə hazır olduğuna diqqət çəkib.
O, Seul hökumətinin Şimali Koreyanın ordunun yaranmasının 85-ci ildönümü ərəfəsində növbəti raket sınağı keçirəcəyini istisna etmədiyini bildirib.
Pxenyan BMT Təhlükəsizlik Şurasının tələblərinə məhəl qoymadan 2006-cı ildən bəri beş nüvə sınağı həyata keçirib. Ölkə rəsmiləri bu sınaqları ABŞ tərəfindən təhlükənin mövcudluğu ilə əsaslandırıb.
Apa.tv
OXŞAR XƏBƏRLƏR
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
Prezidentdən sosial şəbəkələrlə bağlı mühüm fərman
Pakistan səfirliyində Kəşmir İstismar Günü ilə bağlı tədbir keçirildi
Avqustun 15-dən metro sərnişinlərini nə gözləyir? - 11 aylıq tikinti başlayır
