Şagirdlər narkomaniyaya qarşı səhnəcik nümayiş etdirdi - MƏKTƏBDƏ POLİS TƏDBİRİ
Yuxarı sinif şagirdlərinin yaratdığı səhnəcikdə, məktəbli yeniyetmənin dərsdən yayınaraq tüfeyli həyat tərzi yaşaması canlandırılıb. APA TV-nin məlumatına görə, Sabunçu rayonu 81 saylı orta məktəbdə "Narkomaniya bəşəriyyətin bəlasıdır!" və "Erkən nikaha "yox" deyək!" mövzularında təşkil olunan tədbirdə 150-yə yaxın müəllim və şagird heyəti iştirak edib.
Maarifləndirici səhnəcik şagirdləri düşündürdüyü kimi, qonaqların da diqqətini cəlb edib. Sabunçu RPİ-nin zabit heyətinin, Rayon İcra Hakimiyyətinin nümayəndələrinin də iştirak etdiyi tədbirdə natiqlər çıxış edərək, narkomaniyanın cəmiyyətimizə, gələcəyimiz olan gənclərin mənəviyyatına, əxlaqına ciddi mənfi təsir göstərməsi, insanların narkomaniya adlı xəstəliyə düçar olaraq həyatlarının məhv olması haqda ətraflı məlumat veriblər.
Sabunçu RPİ-nin rəisi Eldar İlyasov çıxışında narkotik və psixotrop maddələrin yaratdığı problemlərdən və fəsadlarından geniş bəhs edib.
Tədbirdə çıxış edən Sabunçu Rayon İcra Hakimiyyəti başçısının 1-ci müavini Güloğlan Məmmədov və Bakı Şəhər Narkoloji Dispanserin narkoloqu Qalib Məmmədov narkomaniyanın qarşısının alınması üçün dövlət orqanları, ictimai təşkilatlar, ictimaiyyət nümayəndələri, təhsil işçiləri və valideynlərin birgə mübarizə aparmasının vacibliyini vurğulayıb.
Görüş məktəblilərin sual-cavabları ilə diskussiya şəkilində sona çatıb.
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
