Tutulan silah alverçisi: "İranlıdan alıb basdırmışdım, üstündə də ağac əkmişdim"
Nizami Rayon Polis İdarəsinin (RPİ) Cinayət Axtarışı Şöbəsinə (CAŞ) Yardımlı rayon sakini Cəlal Vəliyevin odlu silah-sursat satmaq istəməsi barədə əməliyyat məlumatı daxil olub.
APA TV-nin məlumatına görə, Nizami RPİ-nin Cinayət Axtarış Şöbəsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində C.Vəliyev metronun "Qara Qarayev" stansiyasının yaxınlığında 1 ədəd nömrəsi silinmiş "Liama" markalı tapança, 1 ədəd nömrəsi silinmiş "Kalaşnikov" markalı avtomat silah və 13 ədəd avtomat patronunu 2500 manata satmaq istəyərkən saxlanılıb.
Polis İdarəsinə gətirilən C.Vəliyev odlu silah-sursatı satmaq niyyəti ilə Bakı şəhərinə gətirdiyini və avtomatdan dəfələrlə əyləncə məqsədi ilə istifadə etdiyini etiraf edib: "Novruz bayramında bir-iki dəfə atdım. Gətirdim Bakıya, "Qara Qarayev" metrosunun yaxınlığında satarkən məni tutdular".
O, ilkin ifadəsində silah-sursatı əvvəldən tanıdığı İran vətəndaşından aldığını və yaşadığı evin həyətyanı sahəsində gizlətdiyini bildirib: "Həyətdə yer qazmışdım, basdırdım orda, üstündən isə ağac əkdim".
Faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
