Brüssel terrorunun ildönümündə Londonda terror törədildi: ölənlər var
Böyük Britaniyanın parlament binası yaxınlığındakı Vestminster körpüsü üzərində silahlı insident baş verib. Silahlı şəxsin maşınını insanların üzərinə sürməsi nəticəsində 4 nəfər ölüb, azı 20 adam yaralanıb. Sonra maşın parlament binasını əhatə edən barmaqlıqlara çırpılıb. Silahlı şəxs maşından insanların üzərinə atəş açıb.
Daha sonra o bıçaqla polislərin üzərinə hücum edib. Nəticədə polis onu vuraraq öldürüb. Polis hadisəni terror hadisəsi elan edib.
Yaralananlardan 3-nün fransalı tələbə olduğu bildirilir. Terror aktı nəticəsində xəsarət alanlardan 4-nün vəziyyəti ağırdır. Parlament binasının ətrafında olan dükan və metro stansiyaları bağlanıb.
Polis insanlara hadisə yerinə yaxınlaşmamağı tövsiyə edib.
İnsident Brüsseldə törədilən terror aktının ildönümü ilə üst-üstə düşüb. Keçən il martın 22-də Belçika paytaxtının hava limanı və metro stansiyasında törədilən terror aktı nəticəsində 35 nəfər ölmüşdü. İŞİD terror qruplaşması məsuliyyəti üzərinə götürmüşdü.
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
