ABŞ komandanlığı etiraf etdi: Məscidi bombalamışıq
ABŞ Mərkəzi Qüvvətlər Komandanlığı (CENTCOM) Hələbin Cina kəndi yaxınlığında yerləşən bir məntəqəyə hücum etdiyini etiraf edib.
APA TV-nin məlumatına görə, bundan əvvəl CENTCOM "İdlibdə "Əl-Qaidə"yə aid bir toplanış məntəqəsinin vurulduğunu və çox sayda terrorçunun öldürüldüyünü" iddia etmişdi.
Komandanlıqdan bildirilib ki, İdlib yox, Hələbin Cina kəndi yaxınlarında bir məntəqə bombalanıb. Hadisənin araşdırılacağı qeyd olunub, məscidə hücum edildiyi inkar olunmayıb.
CENTCOM-un sözçüsü polkovnik John J. Thomas hərbçilərin məscidi hədəfə almadıqlarını, hədəfin ancaq məscidin 15 metrliyində yerləşən bir bina olduğunu deyib.
Qeyd edək ki, ötən gün Hələbin Etarib qəsəbəsinə bağlı Cina kəndində bir məscidə edilən hücum nəticəsində 58 insan ölüb, 100-dən artıq insanın yaralanıb. Hadisə baş verən vaxtı məsciddə 200-300 adam olub.
Elvin Bayramlı
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
