Niderlandda seçkinin ilkin nəticələri açıqlandı: irqçi Vilders hökumətdən kənarda qala bilər
Niderlandda martın 15-da keçirilmiş parlament seçkisinin ilk nəticələri məlum olub. APA TV-nin məlumatına görə, ekzit-polların nəticələrinə əsasən, seçkilərdə baş nazir Mark Rüttenin rəhbərlik etdiyi "Azadlıq və Demokratiya Uğrunda Liberal Xalq" partiyası qalib gəlir. Bu partiya 150 yerlik parlamentdə 31 mandat qazanıb.
Gert Vildersin rəhbərlik etdiyi ifrat sağçı "Azadlıq", həmçinin “Xristian-Demokrat Çağırışı” partiyası və “Demokratlar – 66” bloku hərəyə 19 mandat qazana biliblər.
Niderland parlamentinin aşağı palatası 150 yerdən ibarətdir. Ölkədə hökumət parlament çoxluğu tərəfindən formalaşdırılır. İlkin nəticələrə görə, partiyalardan heç biri mütləq çoxluq üçün lazım olan 76 mandatı əldə edə bilməyəcək. Belə olsa, seçkinin qalibi hakim koalisiyanı formalaşdırmaq üçün müttəfiqlər tapmalıdır. Ehtimal olunur ki, koalisiyaya "Azadlıq və Demokratiya Uğrunda Liberal Xalq", “Xristian-Demokrat Çağırışı” partiyaları və “Demokratlar-66” bloku daxil olacaq. Seçkinin yekun nəticələri martın 21-də açıqlanacaq.
Seçkidə seçici fəallığı 81 faiz olub. Bu, İkinci dünya müharibəsindən sonra rekord göstəricidir.
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
