Ağdamda dəhşətli hadisə: oğul anasını maşınla vurub öldürdü
Ötən gün Ağdamda baş verən ölüm hadisəsinin dəqiq səbəbləri məlum olub. APA TV-nin Qarabağ bürosunun məlumatına görə, Ağdam rayon Əfətli ərazi nümayəndəliyinin Hacıturallı kənd sakini 56 yaşlı Filyar Əliyevanın iribuynuzlu heyvanın vurması nəticəsində öldüyü barədə məlumat yayılsa da, onun öz oğlu tərəfindən avtomobillə vurularaq öldürüldüyü məlum olub.
6 uşaq anası Filyar Əliyevanı 1983-cü il təvəllüdlü Əliyev Niyaz Möhsüm oğlu idarə etdiyi 02 BK 246 dövlət nömrə nişanlı “VAZ-21011” markalı avtomobillə vurub. Yaralı qadın təcili tibbi yardım maşını ilə Ağdam Mərkəzi Rayon Xəstəxanasına çatdırılıb. Həkimlərin müdaxiləsinə rəğmən qadının həyatını xilas etmək mümkün olmayıb.
Hadisə yerinə gedən Ağdam rayon Polis Şöbəsinin əməkdaşlarının araşdırması zamanı məlum olub ki, Filyar Əliyevanın yaxınlarının xəstəxanada verdikləri ilkin ifadə yalandır. Onu inək vurmayıb. Anasının ölümünə səbəb olan avtomobil cərimə meydançasına gətirilib.
Faktla bağlı Ağdam rayon Prokurorluğunda cinayət işi açılıb araşdırma aparılır.
Ayşən Əhməd
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
