Şollar suyunun Bakıya çəkilməsinin 100 illiyi qeyd olunur
Şollar-Bakı Su Təchizatı Qurğuları Kompleksinin 100 illik yubileyi qeyd olunur. APA-nın Şimal bürosunun verdiyi məlumata görə, I Bakı Beynəlxalq Su Həftəsi çərçivəsində keçirilən tədbirdə ölkəmizə gələn xarici qonaqlar, kompleksin layihə rəhbəri Uilyam Lindleyin nəslinin nümayəndələri bu gün Ceyranbatan Ultrasüzgəcli Sutəmizləyici Qurğular Kompleksinə, Taxtakörpü su anbarına və Xaçmaz rayonu ərazisində yerləşən Şollar su mənbəyinə səfər ediblər. Şollar su mənbəyi ilə tanış olan qonaqlara bildirilib ki, Şollar-Bakı Su Təchizatı Qurğuları Kompleksi Abşeron yarımadasının içməli su ilə təmin olunması üçün yaradılmış ilk infrastrukturdur. Kompleks 1911-1917-ci illərdə ingilis mühəndis Uilyam Lindleyin layihəsi əsasında inşa edilib. 19-cu əsrin sonu, 20-ci əsrin əvvəllərində ağır iqtisadi şəraitə, gərgin və ziddiyyətli siyasi proseslərə baxmayaraq Şollar mənbəyindən Bakıya magistral su kəmərinin çəkilməsi mümkün olub.
Uilyam Lindley nəslinin nümayəndəsi bu su xəttinin dayısı tərəfindən inşa olunduğunu deyib: "Məni Şollar-Bakı Su Təchizatı Qurğuları Kompleksinin 100 illik yubileyini qeyd etmək üçün dəvət ediblər. Hansi ki, Bakını içməli su ilə təmin edir. Bu mənim ulu dayım tərəfindən dizayn olunub. Bu inanılmaz layihədir. Uilyam Lindley Avropada bir çox layihələr edib, bu ən böyük proyektidir".
186 km uzunluğunda olan magistral su kəməri artezian üsulu ilə qazılmış 24 quyu və lay sularından qidalanır. 100 il fasiləsiz olaraq Bakını su ilə təmin edən mənbənin məhsuldarlığı demək olar ki dəyişməyib.
Vəli Turan
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
