Hollandiya səfirinə Türkiyəyə qayıtmaq qadağan edildi, yüksək səviyyəli əlaqələr dayandırıldı
Türkiyə Nazirlər Şurasının iclasında Hollandiyada türkiyəli nazirlərlə bağlı yaşanan insident müzakirə edilib. Hökumət sözçüsü Numan Kurtulmuş iclasdan sonra keçirilən mətbuat konfransında bildirib ki, hazırda Türkiyədən kənarda olan Hollandiyanın Ankaradakı səfirinə Türkiyəyə giriş qadağan edilib. Numan Kurtulmuş bəyan edib ki, Hollandiya üzr istəməlidir. Bundan başqa, rəsmi Ankara Amsterdamdan Hollandiyadakı türk diplomatların təhlükəsizliyinə təminat verilməsini tələb edib.
“Dediyimiz məsələlər həllini tapanadək hazırda xaricdə olan Hollandiya səfirinin geri qayıtması qadağan edilib. Hollandiyanın diplomatik uçuşlarına da icazə verilməyəcək. Bundan sonrakı dövrdə Hollandiya ilə yüksək səviyyəli əlaqələr, planlaşdırılmış toplantılar, rəsmi danışıqlar dayandırılır”.
Numan Kurtulmuş bəyan edib ki, Hollandiya üçün diplomatik uçuşlara razılığın ləğv edilməsinin Hollandiya vətəndaşlarına aidiyyatı yoxdur və yalnız diplomatlara şamil ediləcək.
Nazirlər Şurası Türkiyə Böyük Millət Məclisinə parlamentində Hollandiya ilə dostluq qrupunun birtərəfli qaydada ləğvini tövsiyə edib.
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
