Avtomobillər üçün təhlükə törədən qurumuş ağaclar - SOS
Şimal bölgəsində magistral yolların kənarlarında yerləşən qurumuş və yol hərəkətinə maneə yaradan ağaclar kəsiləcək.
APA TV-nın şimal bürosunun məlumatına görə, bununla bağlı Ekologiya və Təbii Sərvətlər Nazirliyinin ekspertiza idarəsi tərəfindən müvafiq rəy verilib. Bu tip ağaclar artıq nömrələnib.
Bakı-Quba yolunun Şabran və Quba rayonları ərazisinə düşən hissəsində qurumuş və budanma üçün 402 ağac müəyyənləşdirilib. Bu ağaclardan 140-ı quruduğuna görə kəsiləcək, qalanlarında isə müvafiq budama işləri aparılacaq. Gəndob-Yalama yolunda isə 59 ağacın kəsilməsi, 261 ağacda budama işlərinin aparılması nəzərdə tutulub.
Kənd sakini Fazil Balayev deyir ki, qurumuş ağaclar yolla hərəkət edən avtomobillər üçün təhlükə yaradır: "Bu ağacların çoxu quruduğu üçündə qəzalı vəziyyət yaradır. Bura Quba-Xaçmaz yoludur maşınlar tez-tez hərəkət edir. Küləkli havalarda həmişə böyük budaqların qırılıb düşməsi hallarına təsadüf olunur".
Kənd sakini Əmrayev Daşdəmir ağacların budanmasının tərəfdarıdır: "Bu ağaclar çoxdan əkilib, əksəriyyəti quruyub, quru budaqları kəsib yaşıllaşdırmaq olar, boş yerləri yenisi ilə əvəzləmək olar. Bu ağacların yolun qırağında olması yola estetik görünüş verir".
Yaxın günlərdə yol kənarında qurumuş ağacların kəsilməsi prosesinə start veriləcək.
Vəli Turan
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
