Cəlilabadda həyətyanı sahələri su basdı
Son günlər qar və qrunt suları Cəlilabadda həyətyanı sahələrə dolmaqla bir sıra çətinliklər yaradıb.
APA TV-nin cənub bürosunun verdiyi məlumata görə, problem daha çox Ocaqlı kəndində müşahidə olunur.
Qarın sürətlə əriməsi, eləcə də qrunt suların üzə çıxması kəndin bəzi ərazilərində vəziyyəti bir qədər çətinləşdirib. Həyətyanı sahələrdə yığılıb qalan suların dərinliyi 40-50 santimetrə çatıb. Bu da sakinlərin narahatlığına səbəb olub.
Qrunt sularının səviyyəsinin artması təsərrüfat sahələrinə də ziyansız ötüşməyib. Bəzi fərdi yaşayış evlərin həyətləri su altında qaldığından, bağ-bostana ziyan dəyib. Kənd sakinlərinin sözlərinə görə, nisbətən çökək yerlərdə olan həyətyanı sahələrdə suyun səviyyəsinin hər gün daha çox qalxması yolları da suyun altında qoyur. Bu da piyadaların hərəkətində çətinlik yaradır.
Bəzi yerlərdə suyun quş damlarına dolması ev quşlarının tələf olmasına gətirib çıxarıb. Hazırda aidiyyəti qurumlar tərəfindən suyun nasoslarla ərazidən çəkilərək qurudulması istiqamətində lazımi tədbirlər görülür.
Ayşən Əhməd
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
