ABŞ və Rusiyadan gələn xəbərlər nefti ucuzlaşdırdı
ABŞ-ın hasil olunmuş neft ehtiyatlarının rekord həddə çatması birjalarda şok effekti doğurub.
APA TV-nin xəbərinə görə, dünən axşam açıqlanan rəsmi statistikaya əsasən, ötən həftə ərzində Birləşmiş Ştatların neft ehtiyatlarının həcmi 1,5 milyon barel artıb. Ölkədə sutkalıq hasilat 9 milyon barelə çatıb, sonuncu dəfə bu cür göstərici ötən ilin aprelində qeydə alınıb.
Amerikadan gələn xəbərlərlə yanaşı, Rusiyada gündəlik hasilatın həcminə dair açıqlamalar da neftin ucuzlaşmasına təsir göstərib. OPEK-lə əldə olunan razılaşmaya əsasən, Rusiya sutkalıq hasilatı 300 min barel azaltmağa boyun olsa da, ölkədə neft hasilatı əvvəlki səviyyədə qalıb. Hazırda Rusiyada gündəlik 11 milyon barel neft hasil olunur.
Bu amillər neftin qiymətinə mənfi təsir göstərib. Birjalarda “Brent” neftinin bir bareli 55,60 dollardan satılır, WTİ nefti isə 52,66 dollara təklif edilir.
ABŞ-ın neft ehtiyatlarının artması amilinin bazara nə müddətə təsir edəcəyi bu gün dəqiqləşəcək. Ekspertlərin əksəriyyəti düşünür ki, əvvəlki həftələrdən fərqli olaraq bu neqativ təsir həftənin son hərraclarına kimi davam edəcək.
Fərid Rəsulov
OXŞAR XƏBƏRLƏR
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
10 yeni stansiya tikiləcək – RƏSMİ AÇIQLAMA
