Qanunsuz ov edən Sabirabad sakini yaxalandı
Sabirabadda qanunsuz ov edən rayon sakini saxlanılıb. APA TV-nin Mil-Muğan bürosunun məlumatına görə, rayon polis şöbəsinin əməkdaşları qanunsuz ovun qarşısının alınması üçün rayon ərazisində reyd keçirib.
Reyd zamanı lazımi icazəsi olmadan və limitdən artıq ov edən Qasımbəyli kənd sakini Yusif Əhmədov saxlanılıb. Araşdırma zamanı məlum olub ki, ovçunun silahı qanuni olsa da, onun ov etməyə müvafiq icazəsi olmayıb.
Polis saxlanılan şəxsdən 21 ədəd qaşqaldaq müsadirə edib.
Saxlanılan şəxs icazəsi olmadan ov etməsini etiraf etsə də, ovçuluq etdiyi uzun müddət ərzində ilk dəfə saxlanıldığını deyib.
Polis əməkdaşları ekoloji tarazlığın qorunması üçün bu kimi reydlərin davamlı olaraq keçiriləcəyini bildiriblər. Faktla bağlı araşdırma aparılır.
Elvin Yaqubov
OXŞAR XƏBƏRLƏR
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
TƏCİLİ: Tərtərdəki dəhşətli hadisə ilə bağlı bir nəfər SAXLANILDI
Rusiyadan Ermənistana Azərbaycan üzərindən YÜK GÖNDƏRİLDİ
