Mogerini: "ABŞ-ı heç vaxt bu vəziyyətdə görməmişik"
"ABŞ böyük riskə gedir, onlar dünya liderliyini itirə bilər". APA TV-nin Rusiya mətbuatına istinadən verdiyi məlumata görə, bu açıqlama ilə Aİ-nin xarici əlaqələr üzrə komissarı Federika Mogerini çıxış edib.
Vaşinqtonda səfərdə olan diplomat bildirib ki, ABŞ-ı heç vaxt belə qütbləşmiş, münaqişələrə hazır vəziyyətdə görməyib: "Əgər kimsə dünyada lider rolunda çıxış etmək istəyirsə, onun daxili gücü, özgüvəni və möhkəmliyi olmalıdır. ABŞ-da hazırda baş verənlər bütün dünya üçün narahatlıq doğurur", - deyə o qeyd edib.
ABŞ-Aİ münasibətlərinə də toxunan Mogerini yeni dönəmə keçidin müsbət nəticələrə gətirib çıxaracağına ümid etdiyini deyib: "Biz hər şeyi müzakirə edəcəyik, bütün suallara cavab axtaracağıq. Çünki maraqlarımızın harada toqquşduğunu öyrənməliyik. Bunu dramatikləşdirməyə isə lüzum görmürəm".
Xatırladaq ki, bu həftə ABŞ-ın bir neçə yüksək vəzifəli şəxsi Avropaya səfər edəcək.
Fevralın 15-də Brüsseldə NATO ölkələrinin müdafiə nazirlərinin iclası keçiriləcək. Bu tədbirdə Pentaqon rəhbəri Ceyms Mettis ilk dəfə iştirak edəcək.
Bundan əlavə, ABŞ-ın dövlət katibi Reks Tillerson "G20"nin xarici işlər nazirlərinin Bonn sammitinə, vitse-prezident Mayk Pens isə Münhendə təhlükəsizlik konfransına qatılacaq.
Elvin Bayramlı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
