Bakıda dəhşət: 3 uşağını məktəbdən gətirən ana körpəsinin yanmış meyitini tapdı
Bakıda dəhşətli yanğın hadisəsi baş verib. APA TV-nin məlumatına görə, Binəqədi rayonunda 3-ü mədən adlanan ərazidə ümumi sahəsi 35 kv metr olan birmərtəbəli, 2 otaqlı evdə yanğın olub.
Yanğın kəşfiyyatı zamanı 2016-cı il təvəllüdlü Cəfərov Cabbar Siyavuş oğlunun meyiti aşkar olunub. Körpə ötən ilin dekabrında doğulub.
4 uşaqlı ailənin sonuncu övladı olan Cabbarın anası digər uşaqlarını məktəbdən gətirməyə gedib. Evdə heç kimin olmadığı anda isə yanğın baş verib.
Ailə orada kirayədə qalıb. Hadisənin baş verdiyi evin yaxın ətrafında demək olar ki, qonşu yoxdur. Ən yaxın evlər bir neçə yüz metr uzaqlıqda yerləşir.
Faciənin qurbanı olan Cəfərovlar ailəsi Füzuli rayonundan məcburi köçkündür. Faciədən sonra qohumları onları rayona aparıb.
Hadisə baş verən evdə həm odun, həm də elektrik sobası olub. Yanğının konkret hansı səbəbdən baş verdiyi araşdırılır.
Nəsimi Nəbizadə
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
