Bakıda marşrut xətti müsabiqəyə çıxarılır
Paytaxtda fəaliyyət göstərən 7 saylı marşrut xəttinin bağlanmasına aydınlıq gətirilib.
APA TV-nin xəbərinə görə, Bakı Nəqliyyat Agentliyinin baş direktorunun müşaviri Mübariz Abbasov bildirib ki, sözügedən marşrut xətti 90 və 93 saylı marşrut xətləri ilə üst-üstə düşdüyü və marşrut xətləri təkrarlandığı üçün qurum bu xəttin bağlanmasını məqsədəuyğun bilib.
Bundan başqa, BNA tərəfindən "28 May" metro stansiyasından "Lökbatan" Nəqliyyat Mübadilə Mərkəzi (Bakı-Salyan yol qovşağı) istiqamətində 125 saylı marşrut xəttinin təşkil edilməsi və müvafiq qaydalara uyğun olaraq müsabiqəyə çıxarılması məqsədəuyğun hesab edilib: "125 saylı marşrut artıq test sistemində fəaliyyətə başlayıb. Biz bütün daşıyıcıları, Bakı Şəhərinin bütün ictimai nəqliyyatı ilə məşğul olan sahibkarları müsabiqədə iştirak etməyə çağırırıq".
Sevinc Vaqifqızı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
