Türk ordusuna əmr verildi: 3 gün içində bitirin!
Suriyanın şimalında davam edən "Fərat qalxanı" əməliyyatı çərçivəsində türk ordusunun yüksək çinli zabitləri ilə Suriya silahlı müxalifətinin komandanlığı bir araya gəlib.
APA TV-nin Türkiyə mətbuatına istinadən məlumatına görə, onlar Türkiyə Silahlı Qüvvələri tərəfindən verilən Əl-Babın 3 gün içində İŞİD-dən təmizlənməsi əmrini müzakirə ediblər.
"Fərat qalxanı" əməliyyatının 171, Əl-Baba hücumun 64-cü günündə şəhərə hücum planının dəyişdiyi məlum olub. Buna səbəb İŞİD-in əldən verdiyi iki yüksəklikdən şəhərə aparan yollara çoxlu mina döşədiyinin məlum olmasıdır.
Bu arada Əsəd qüvvələrinin və PYD-nin də Əl-Baba yaxınlaşdığı məlum olub. Azad Suriya Ordusuna xüsusilə PYD-yə qarşı diqqətli olmaq, onların Əl-Baba girməsinin qarşısını almaq təlimatı verilib. Müxaliflərin komandanlığından PYD-nin Əl-Baba daxil olmasına imkan verilməyəcəyi bildirilib.
Xatırladaq ki, Ankaranın PKK-nın qanadı hesab etdiyi PYD Əl-Babı ələ keçirərək Menbiç-Afrin yolunu nəzarətə götürmək istəyir. Bu, Türkiyənin bölgədə başlatdığı "Fərat qalxanı" əməliyyatına ziddir. Türk Silahlı Qüvvələrinin dəstək verdiyi Suriya müxalifətinin isə Əl-Babdan sonra hazırda PYD-nin əlində olan Menbiçə doğru irəliləmək planı var.
Bu arada Türkiyə "F-16"ları Əl-Bab səmasında uçuşlar həyata keçirib, hücuma hazırlaşan əsgərləri salamlayıb.
Fərid Rəsulov
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
