Oğurluq olduğunu bildiyi əşyaları aldı, tutuldu
Sumqayıt ŞPİ-nin əməkdaşları əvvəllər bir yerdə məhkumluq həyatı yaşamış şəxsləri saxlayaraq məsuliyyətə cəlb ediblər.
APA TV-nin xəbərinə görə, onlar Sumqayıt şəhəri Yaşıl Dəhnə adlanan yaşayış massivində 4 həyət evindən məişət əşyaları oğurlamaqda təqsirli bilinirlər.
Saxlanılan Vaqif Səfərov törətdikləri cinayəti etiraf edib: "Mənzildən uşaq paltarları, televizor oğurladıq. Qızıl axtardıq, çıxmadı. İkinci epizodu da Elturanla etmişəm. Xrustal, paltaryuyan oğurlamışıq. Digər evlərdən isə plazma və xalçalar oğurladıq".
Elturan Vəlibəyov isə bir ay ərzində 4 mənzil qarət etdiklərini bildirib.
Həyata keçirilən əməliyyat nəticəsində oğurluq əşyaları alan Məhəmməd Qurbanov da saxlanılıb. Vaqif Səfərov deyir ki, Məhəmməd Qurbanov aldığı əşyaların oğurluq olduğundan əvvəlcədən məlumatlı olub: "Əldə etdiyimiz əşyaları Elturanın tanışına satmışıq. Məhəmməd malların oğurluq olduğunu bilirdi".
Məhəmməd Qurbanov deyilənləri təkzib etməyib: "Oğurluq olduğunu bilmişəm. Alıb öz evimə qoymuşam. Etdiyim hərəkətə görə çox peşmanam".
Faktla bağlı cinayət işləri başlanıb.
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
