ABŞ İran sərhədlərinə yaxın bölgədəki qoşunlarını döyüş vəziyyətinə gətirdi
ABŞ-ın Fars körfəzindəki qüvvələri İranla münasibətlərdə gərginliyin artması, ordu və avadanlıqların ümumi hazırlığı ilə bağlı narahatlıqlar səbəbindən "ən yüksək hazırlıq vəziyyətinə" gətirilib. APA TV-nin məlumatına görə, bu barədə Rusiya mətbuatına ABŞ Müdafiə Nazirliyindəki mənbə bildirib.
Xatırladaq ki, İran yanvarın 29-da öz istehsalı olan ballistik raketi uğurla sınaqdan keçirib. ABŞ ballistik raketlərin sınağını kəskin pisləyərək, bunun BMT TŞ-nin 2231 saylı qətnaməsinə zidd olduğunu qeyd edib.
ABŞ-ın yeni prezidenti İran və “altılıq” ölkələri arasında Tehranın nüvə proqramına dair əldə olunmuş sazişə qarşı çıxış edir. Bundan əlavə D.Tramp və Pentaqon rəhbəri Ceyms Mettis İranı beynəlxalq terrorizmi dəstəkləyən 1 nömrəli dövlət adlandırıb.
İranın ali dini lideri Ayətullah Əli Xamneyi isə ABŞ-a cümə günü - İslam İnqilabının 38-ci ildönümü tarixində layiqli cavab veriləcəyini açıqlayıb.
Nəsimi Nəbizadə
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
