Ağsu aşırımında torpaq sürüşdü: avtomobil yolu bağlandı
Ağsu dolaylarında böyük ərazidə torpaq sürüşməsi baş verib. Nəticədə yolun bir hissəsi dağıldığı üçün orada nəqliyyatın hərəkəti dayandırılıb və yol bağlanıb.
APA TV-nin yerli bürosunun xəbərinə görə, sürüşmə hadisəsi Bakı-Şamaxı-Yevlax avtomobil yolunun Ağsu aşırımından keçən hissəsinin 149-cu kilometrliyində baş verib.
Sürüşmə nəticəsində yolun hər iki hərəkət zolağının bir hissəsi 40-50 santimetr dərinliyində çöküb. Ümumilikdə sürüşmə zonasının sahəsi 40 metrədək ərazini əhatə edir.
Sürüşmə qeydə alınan hissənin bərpası üçün əraziyə 16 saylı “Ağsu Yol İstismar” MMC-nin texnikası və canlı qüvvəsi cəlb olunub. Hazırda yolda təmizləmə, ilkin bərpa işləri həyata keçirilir. Avtonəqliyyat vasitələrinin təhlükəsiz hərəkətini təmin etmək məqsədilə həmin çökmə baş verən ərazidə hərəkət dayandırılıb. Avtomobillər hərəkət üçün ərazidəki alternativ yola yönəldilib.
Qeyd edək ki, Bakı-Şamaxı-Yevlax magistralının 144-158-ci kilometrlik hissəsi, yəni 14 kilometr ərazi Ağsu aşırımının payına düşür. Hazırda həmin dolaylarda 14 aktiv sürüşmə zonası var.
Apa.tv
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
