Gəncədən Zaqatalaya narkotik dalınca gələnlər tutuldu
Zaqatala polisi narkotik vasitələrin qanunsuz dövriyyəsi ilə məşğul olan Gəncə şəhər və Balakən rayon sakinlərini saxlayıb. APA TV-nin Şəki-Zaqatala bürosunun məlumatına görə, Zaqatala rayon Polis Şöbəsinə daxil olmuş məlumat əsasında BMW markalı avtomobil Zaqatala şəhəri ərazisində saxlanılıb. Avtomobildə aparılan axtarış zamanı maşının mühərrik hissəsində yerləşən ön şüşə silgəcinin su balonunda polietilen torbanın içərisində 4 ədəd kibrit qutusunda ümumi çəkisi 14,34 qram olan narkotik vasitə hesab edilən qurudulmuş marixuana aşkar olunaraq götürülüb.
Zamir Xəlilov, müstəntiq: “Gəncə şəhər sakinləri Arif Asif oğlu Həsənov, Gündüz Cəmil oğlu Məmmədov, Emin Yaşar oğlu Əliyev və Balakən rayon sakini Natiq Abdulhəmid oğlu Ovçiyev narkotik maddənin əldə olunması məqsədi ilə qabaqcadan əlbir olan bir qrup şəxs halında razılığa gələrək 31 yanvar tarixində Natiq Ovçiyevin qohumu olan Balakən rayon sakini Mehman Hicran oğlu Ovçiyev ilə Balakən şəhəri ərazisində görüşüblər. Mehman Ovçiyev onlara 180 manat müqabilində 4 ədəd kibrit qutusundakı narkotik vasitəni satıb. Daha sonra Gəncə şəhər sakinləri əldə etdikləri narkotik maddəni Balakənə gəldikləri BMW markalı avtomobilin mühərrikində yerləşən ön şüşə silgəcinin su balonunda gizlədərək Gəncə şəhəri istiqamətinə yola düşüblər”.
Saxlanılan şəxslər barəsində Zaqatala rayon məhkəməsi tərəfindən həbs qətimkan tədbiri seçilib.
Faktla bağlı Zaqatala RPŞ-də CM-nin müvafiq maddələri ilə cinayət işi başlayıb, istintaq aparılır.
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
