FHN əməkdaşı: "Şahmat hobbimizdir" - ÇEMPİONAT
İlqar Hüseynov Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyində baş məsləhətçi işləyir. Amma şahmata olan marağı onu FHN-in İdman-Sağlamlıq Klubu və Həmkarlar İttifaqının təşkilatçılığı ilə keçirilən yarışda iştiraka sövq edib və komandası 14 komanda arasında 1-ci yeri tutub: "Şahmatla gənclik dövründən məşğul olmuşuq. Şahmat hobbimizdir. Çalışmışıq ki, bu hobbimizi gücləndirək".
APA TV-nin xəbərinə görə, Dövlət Agentliyində təşkil olunan çempionatda 14 komandadan 60-a yaxın əməkdaş iştirak edib. FHN-in İdman-Sağlamlıq Klubunun rəisi Füzuli Musayev bildirib ki, yarış həm şəxsi, həm də komanda hesabında İsveçrə sistemi üzrə keçirilib. Komandaların tərkibində 3 əsas və 1 ehtiyat oyunçu yer alıb.
Komanda hesabında 1-ci yeri Tikintidə Təhlükəsizliyə Nəzarət Dövlət Agentliyi, 2-ci yeri Dövlət Yanğından Mühafizə Xidməti, 3-cü yeri isə Xüsusi Riskli Xilasetmə Xidməti tutub. Qaliblərə diplom, kubok, medal və hədiyyələr təqdim olunub.
Nazirlik sistemində 2015-ci ildə idmanın ayrı-ayrı növləri üzrə keçirilmiş yarışlarda əldə etdikləri nəticələrə görə fövqəladə hallar naziri Kəmaləddin Heydərovun bir qrup FHN əməkdaşına təşəkkürü çatdırılıb.
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
