İmişlidə oğurlanan 3 kiloqram qızılın aqibəti - QIZILLAR BELƏ TAPILDI
İmişlidə qızıl mağazasından külli miqdarda qızıl-zinət əşyaları oğurlayan şəxslər saxlanılıb. APA TV-nin Mil-Muğan bürosunun məlumatına görə, qızıl-zinət əşyaları dəstə üzvlərinin həyətində torpaq altından çıxarılaraq maddi sübut kimi götürülüb.
Oğurluq hadisəsi 2016-cı ilin noyabr ayında gecə saatlarında törədilib. İmişli şəhərinin Qadir İsmayılzadə küçəsində yerləşən Aydın Həzi oğlu Əliyevin icarə əsasında işlətdiyi qızıl mağazası qarət edilib. Zərərçəkmiş şəxsin 3 kq qızıl-zinət əşyası oğurlanıb.
Hadisə ilə bağlı dərhal tədbirləri görülüb. Çox keçmədən, cinayəti törətməkdə təqsirli bilinən şəxslər - 1992-ci il təvəllüdlü, İmişli rayon Şahverdili kənd sakini Əmirov İsmayıl Eldar oğlu və həmkəndlisi, 1992-ci il təvəllüdlü İbrahimov Fərid Niyaməddin oğlu saxlanılıb. Məlum olub ki, həmin şəxslər qabaqcadan əlbir olaraq adı çəkilən mağazanın tavan hissəsini sındıraraq içəri daxil olub və oradan 3 kq qızıl-zinət əşyası aparıblar. Dəstə üzvləri oğurladıqları qızıl-zinət əşyalarının bir hissəsini satıb, qalanını isə həyətlərində torpağa basdırıblar.
Hadisəni törətməkdə təqsirli bilinən şəxslər əməllərini etiraf edib, peşman olduqlarını bildiriblər.
Faktla bağlı cinayət işi açılıb, istintaq işləri davam etdirilir.
Nəsimi Nəbizadə
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
