Xızı-Giləzi yolunda dəhşətli qəza: 2 ölü, 4 yaralı
Xızı-Giləzi yolunda ölümlə nəticələnən yol-nəqliyyat hadisəsi baş verib.
APA TV-nin şimal bürosunun verdiyi məlumata görə, “Mercedes” markalı avtomobilin yoldan çıxaraq aşması nəticəsində 2 nəfər ölüb, 4 nəfər xəsarət alıb.
Qəza zamanı bir nəfər aldığı xəsarətdən hadisə yerində ölüb. Yaralılar Xızı Mərkəzi Rayon Xəstəxanasına yerləşdirilib. Onlardan 3-ün kimliyi müəyyənləşdirilib. Bunlar Bakı şəhəri Biləcəri qəsəbəsi sakinləri - Eldəniz Allahverdiyev, Əfqan Nəzərov və Asim Çingiz oğludur. Müvafiq tibbi yardımdan sonra həmin şəxslər Sumqayıtda yerləşən tibb müəssisələrindən birinə aparılıb.
Daxili İşlər Nazirliyinin mətbuat xidmətindən APA-ya bildirilib ki, yanvarın 23-də Giləzi qəsəbəsində Bakı şəhər sakini Bəhməniyar Məmmədqasımovun idarə etdiyi "Mercedes" markalı avtomobil aşıb. Nəticədə onun sərnişinlərindən Elçin adlı şəxs hadisə yerində ölüb, özü və 4 sərnişini xəstəxanaya yerləşdirilib. Bəhməniyar Məmmədqasımov isə xəstəxanada ölüb.
Faktla bağlı Xızı Rayon Polis Şöbəsində araşdırmalar davam etdirilir.
Apa.tv
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
